Arquivo da categoría: Windows

B1, un potente compresor/descompresor de arquivos

Recentemente lendo un post de Planeta Diego descubrín unha ferramenta que non pode faltar en nengún equipo informático. Existen moitísimas alternativas a este tipo de programas, pero o que me chamou a atención é que este é verdadeiramente un programa multiplataforma, xa que na sua páxina oficial podemos descargar paquetes para Ubuntu, Linux, Windows, Mac, Android, e proximamente tamén para iOS. Normalmente en Linux sempre uso filerroller e nas instalacións de Windows que teño que facer, 7zip.

O programa é de código libre (Apache License) e permite comprimir e descomprimir nunha cantidade asombrosa de formatos (zip, rar, 7z, bzip, gzip, iso, dmg, rpm, deb… e moitos mais), e por suposto o .b1, que permite unha compresión ainda mais potente que por exemplo con .rar. Pode traballar con arquivos encriptados e/ou divididos. Ten unha interface sinxela, coidada e rápida; ademais ten incluidas accións se prememos co botón dereito do rato (menú contextual) no arquivo comprimido ou a comprimir. A navegación polo sistema de arquivos e a previsualización dos arquivos comprimidos é moi rápida. Está traducido a multituide de idiomas, ainda que neste caso non está en galego (haberá que porlle solución a iso).

Penso que este programa vale a pena e polo menos deberiades darlle a oportunidade de probalo. A min a verdade é que me convenceu sobradamente.

B1

Si che gustou este artigo, por favor pincha na publicidade.
-Grazas-

Virtualbox á última en Ubuntu e derivados

Se levades un tempo nesto coñeceredes as virtudes de este programa multiplataforma, que a pesar de ser de Oracle, resulta super útil para traballar e probar sistemas operativos sin sair do que estemos usando; o que todo o mundo coñece como virtualización.

En Ubuntu e derivados podedes instalar a última versión do programa directamente cun paquete .deb descargandoo dende a páxina oficial. Pero si o que queredes é estar a última, o mellor, coma sempre, é ter engadido o repositorio oficial. A forma mais sinxela de instalalo e a seguinte:

Primeiro abrimos unha terminal e engadimos o repositorio:

sudo sh -c ‘echo “deb http://download.virtualbox.org/virtualbox/debian $(lsb_release -sc) contrib” >> /etc/apt/sources.list.d/virtualbox.list’

Logo temos que descargar e rexistrar a chave pública:

wget -q http://download.virtualbox.org/virtualbox/debian/oracle_vbox.asc -O- | sudo apt-key add –

Por último, coma sempre, actualizamos repositorios e instalamos:

sudo apt-get update && sudo apt-get install virtualbox-4.3

Coma sempre é recomendable instalar o Pack de Extensión para ter funcionalidades extra. Podedes descargalo premendo aquí

 

virtualbox

Si che gustou este artigo, por favor pincha na publicidade.
-Grazas-