Ola de novo. Vouvos contar algo que seguro que a mais de un pasouvos con Unity en Ubuntu. O caso é que traballando como a cotío con pendrives, un día en troques de darlle a “Expulsar” fóiseme o rato e dinlle a “Non manter no iniciador”, polo que cada vez que insertaba o mesmo pendrive non volvía a sair nunca mais.

Buscando polo sistema non vin forma humana de volver a restaurar a situación, polo que decidín buscar en internet, onde tampouco atopei nada de xeito. Finalmente atopei unha pregunta en Launchpad onde a outra persoa pasáballe o mesmo. Hoxe, despois de bastante tempo o fin apareceu un usuario (beevik) que deu ca solución.

O que temos que facer é seguir os seguintes pasos:

-Instalar dconf-editor se non o temos ainda (sudo apt install dconf-editor)

-Executar dconf-editor

-Desplegar a entrada com->cannonical->unity->devices

-Borrar (a dereita) onde pon blacklist o contido hexadecimal que está entre os corchetes (non borredes os corchetes)

Se tendes o pendrive ou unidade conectada enseguida veredes como volve a aparecer…. penso que Ubuntu debería ter previsto isto e permitir visualizar dunha forma mais sinxela este tipo de cousas para corrixilas mais facilmente.

Coma sempre, espero que vos fose útil. Un saúdo

Si che gustou este artigo, por favor pincha na publicidade.

-Grazas-